Greek NT 10

Πρòς ’Εφεσίους ἐπιστολὴ ἀποστόλου Παυ̃λου

Κεφάλαιον Α' (1)

¹Παυ̃λος ἀπόστολος Χριστου̃ ’Ιησου̃ διὰ θελήματος θεου̃ τοι̃ς ἁγίοις τοι̃ς οὐ̃σιν ἐν ’Εφέσω̨ καὶ πιστοι̃ς ἐν Χριστω̨̃ ’Ιησου̃

²χάρις ὑμι̃ν καὶ εἰρήνη ἀπò θεου̃ πατρòς ἡμω̃ν καὶ κυρίου ’Ιησου̃ Χριστου̃

³εὐλογητòς ὁ θεòς καὶ πατὴρ του̃ κυρίου ἡμω̃ν ’Ιησου̃ Χριστου̃ ὁ εὐλογήσας ἡμα̃ς ἐν πάση̨ εὐλογία̨ πνευματικη̨̃ ἐν τοι̃ς ἐπουρανίοις ἐν Χριστω̨̃

⁴καθὼς ἐξελέξατο ἡμα̃ς ἐν αὐτω̨̃ πρò καταβολη̃ς κόσμου εἰ̃ναι ἡμα̃ς ἁγίους καὶ ἀμώμους κατενώπιον αὐτου̃ ἐν ἀγάπη̨

⁵προορίσας ἡμα̃ς εἰς υἱοθεσίαν διὰ ’Ιησου̃ Χριστου̃ εἰς αὐτόν κατὰ τὴν εὐδοκίαν του̃ θελήματος αὐτου̃

⁶εἰς ἔπαινον δόξης τη̃ς χάριτος αὐτου̃ ἡ̃ς ἐχαρίτωσεν ἡμα̃ς ἐν τω̨̃ ἠγαπημένω̨

⁷ἐν ὡ̨̃ ἔχομεν τὴν ἀπολύτρωσιν διὰ του̃ αἵματος αὐτου̃ τὴν ἄφεσιν τω̃ν παραπτωμάτων κατὰ τò πλου̃τος τη̃ς χάριτος αὐτου̃

⁸ἡ̃ς ἐπερίσσευσεν εἰς ἡμα̃ς ἐν πάση̨ σοφία̨ καὶ φρονήσει

⁹γνωρίσας ἡμι̃ν τò μυστήριον του̃ θελήματος αὐτου̃ κατὰ τὴν εὐδοκίαν αὐτου̃ ἣν προέθετο ἐν αὐτω̨̃

¹⁰εἰς οἰκονομίαν του̃ πληρώματος τω̃ν καιρω̃ν ἀνακεφαλαιώσασθαι τὰ πάντα ἐν τω̨̃ Χριστω̨̃ τὰ ἐπὶ τοι̃ς οὐρανοι̃ς καὶ τὰ ἐπὶ τη̃ς γη̃ς ἐν αὐτω̨̃

¹¹ἐν ὡ̨̃ καὶ ἐκληρώθημεν προορισθέντες κατὰ πρόθεσιν του̃ τὰ πάντα ἐνεργου̃ντος κατὰ τὴν βουλὴν του̃ θελήματος αὐτου̃

¹²εἰς τò εἰ̃ναι ἡμα̃ς εἰς ἔπαινον δόξης αὐτου̃ τοὺς προηλπικότας ἐν τω̨̃ Χριστω̨̃

¹³ἐν ὡ̨̃ καὶ ὑμει̃ς ἀκούσαντες τòν λόγον τη̃ς ἀληθείας τò εὐαγγέλιον τη̃ς σωτηρίας ὑμω̃ν ἐν ὡ̨̃ καὶ πιστεύσαντες ἐσφραγίσθητε τω̨̃ πνεύματι τη̃ς ἐπαγγελίας τω̨̃ ἁγίω̨

¹⁴ὅ ἐστιν ἀρραβὼν τη̃ς κληρονομίας ἡμω̃ν εἰς ἀπολύτρωσιν τη̃ς περιποιήσεως εἰς ἔπαινον τη̃ς δόξης αὐτου̃

¹⁵διὰ του̃το κἀγώ ἀκούσας τὴν καθ' ὑμα̃ς πίστιν ἐν τω̨̃ κυρίω̨ ’Ιησου̃ καὶ τὴν ἀγάπην τὴν εἰς πάντας τοὺς ἁγίους

¹⁶οὐ παύομαι εὐχαριστω̃ν ὑπὲρ ὑμω̃ν μνείαν ποιούμενος ἐπὶ τω̃ν προσευχω̃ν μου

¹⁷ἵνα ὁ θεòς του̃ κυρίου ἡμω̃ν ’Ιησου̃ Χριστου̃ ὁ πατὴρ τη̃ς δόξης δώη̨ ὑμι̃ν πνευ̃μα σοφίας καὶ ἀποκαλύψεως ἐν ἐπιγνώσει αὐτου̃

¹⁸πεφωτισμένους τοὺς ὀφθαλμοὺς τη̃ς καρδίας ὑμω̃ν εἰς τò εἰδέναι ὑμα̃ς τίς ἐστιν ἡ ἐλπὶς τη̃ς κλήσεως αὐτου̃ τίς ὁ πλου̃τος τη̃ς δόξης τη̃ς κληρονομίας αὐτου̃ ἐν τοι̃ς ἁγίοις

¹⁹καὶ τί τò ὑπερβάλλον μέγεθος τη̃ς δυνάμεως αὐτου̃ εἰς ἡμα̃ς τοὺς πιστεύοντας κατὰ τὴν ἐνέργειαν του̃ κράτους τη̃ς ἰσχύος αὐτου̃

²⁰ἣν ἐνήργησεν ἐν τω̨̃ Χριστω̨̃ ἐγείρας αὐτòν ἐκ νεκρω̃ν καὶ καθίσας ἐν δεξια̨̃ αὐτου̃ ἐν τοι̃ς ἐπουρανίοις

²¹ὑπεράνω πάσης ἀρχη̃ς καὶ ἐξουσίας καὶ δυνάμεως καὶ κυριότητος καὶ παντòς ὀνόματος ὀνομαζομένου οὐ μόνον ἐν τω̨̃ αἰω̃νι τούτω̨ ἀλλὰ καὶ ἐν τω̨̃ μέλλοντι

²²καὶ πάντα ὑπέταξεν ὑπò τοὺς πόδας αὐτου̃ καὶ αὐτòν ἔδωκεν κεφαλὴν ὑπὲρ πάντα τη̨̃ ἐκκλησία̨

²³ἥτις ἐστὶν τò σω̃μα αὐτου̃ τò πλήρωμα του̃ τὰ πάντα ἐν πα̃σιν πληρουμένου

Κεφάλαιον Β' (2)

¹καὶ ὑμα̃ς ὄντας νεκροὺς τοι̃ς παραπτώμασιν καὶ ται̃ς ἁμαρτίαις ὑμω̃ν

²ἐν αἱ̃ς ποτε περιεπατήσατε κατὰ τòν αἰω̃να του̃ κόσμου τούτου κατὰ τòν ἄρχοντα τη̃ς ἐξουσίας του̃ ἀέρος του̃ πνεύματος του̃ νυ̃ν ἐνεργου̃ντος ἐν τοι̃ς υἱοι̃ς τη̃ς ἀπειθείας

³ἐν οἱ̃ς καὶ ἡμει̃ς πάντες ἀνεστράφημέν ποτε ἐν ται̃ς ἐπιθυμίαις τη̃ς σαρκòς ἡμω̃ν ποιου̃ντες τὰ θελήματα τη̃ς σαρκòς καὶ τω̃ν διανοιω̃ν καὶ ἤμεθα τέκνα φύσει ὀργη̃ς ὡς καὶ οἱ λοιποί

⁴ὁ δὲ θεòς πλούσιος ὢν ἐν ἐλέει διὰ τὴν πολλὴν ἀγάπην αὐτου̃ ἣν ἠγάπησεν ἡμα̃ς

⁵καὶ ὄντας ἡμα̃ς νεκροὺς τοι̃ς παραπτώμασιν συνεζωοποίησεν τω̨̃ Χριστω̨̃ χάριτί ἐστε σεσω̨σμένοι

⁶καὶ συνήγειρεν καὶ συνεκάθισεν ἐν τοι̃ς ἐπουρανίοις ἐν Χριστω̨̃ ’Ιησου̃

⁷ἵνα ἐνδείξηται ἐν τοι̃ς αἰω̃σιν τοι̃ς ἐπερχομένοις τò ὑπερβάλλον πλου̃τος τη̃ς χάριτος αὐτου̃ ἐν χρηστότητι ἐφ' ἡμα̃ς ἐν Χριστω̨̃ ’Ιησου̃

⁸τη̨̃ γὰρ χάριτί ἐστε σεσω̨σμένοι διὰ πίστεως καὶ του̃το οὐκ ἐξ ὑμω̃ν θεου̃ τò δω̃ρον

⁹οὐκ ἐξ ἔργων ἵνα μή τις καυχήσηται

¹⁰αὐτου̃ γάρ ἐσμεν ποίημα κτισθέντες ἐν Χριστω̨̃ ’Ιησου̃ ἐπὶ ἔργοις ἀγαθοι̃ς οἱ̃ς προητοίμασεν ὁ θεòς ἵνα ἐν αὐτοι̃ς περιπατήσωμεν

¹¹διò μνημονεύετε ὅτι ποτὲ ὑμει̃ς τὰ ἔθνη ἐν σαρκί οἱ λεγόμενοι ἀκροβυστία ὑπò τη̃ς λεγομένης περιτομη̃ς ἐν σαρκὶ χειροποιήτου

¹²ὅτι ἠ̃τε τω̨̃ καιρω̨̃ ἐκείνω̨ χωρὶς Χριστου̃ ἀπηλλοτριωμένοι τη̃ς πολιτείας του̃ ’Ισραὴλ καὶ ξένοι τω̃ν διαθηκω̃ν τη̃ς ἐπαγγελίας ἐλπίδα μὴ ἔχοντες καὶ ἄθεοι ἐν τω̨̃ κόσμω̨

¹³νυνὶ δὲ ἐν Χριστω̨̃ ’Ιησου̃ ὑμει̃ς οἵ ποτε ὄντες μακρὰν ἐγενήθητε ἐγγὺς ἐν τω̨̃ αἵματι του̃ Χριστου̃

¹⁴αὐτòς γάρ ἐστιν ἡ εἰρήνη ἡμω̃ν ὁ ποιήσας τὰ ἀμφότερα ἓν καὶ τò μεσότοιχον του̃ φραγμου̃ λύσας τὴν ἔχθραν ἐν τη̨̃ σαρκὶ αὐτου̃

¹⁵τòν νόμον τω̃ν ἐντολω̃ν ἐν δόγμασιν καταργήσας ἵνα τοὺς δύο κτίση̨ ἐν αὐτω̨̃ εἰς ἕνα καινòν ἄνθρωπον ποιω̃ν εἰρήνην

¹⁶καὶ ἀποκαταλλάξη̨ τοὺς ἀμφοτέρους ἐν ἑνὶ σώματι τω̨̃ θεω̨̃ διὰ του̃ σταυρου̃ ἀποκτείνας τὴν ἔχθραν ἐν αὐτω̨̃

¹⁷καὶ ἐλθὼν εὐηγγελίσατο εἰρήνην ὑμι̃ν τοι̃ς μακρὰν καὶ εἰρήνην τοι̃ς ἐγγύς

¹⁸ὅτι δι' αὐτου̃ ἔχομεν τὴν προσαγωγὴν οἱ ἀμφότεροι ἐν ἑνὶ πνεύματι πρòς τòν πατέρα

¹⁹ἄρα οὐ̃ν οὐκέτι ἐστὲ ξένοι καὶ πάροικοι ἀλλὰ ἐστὲ συμπολι̃ται τω̃ν ἁγίων καὶ οἰκει̃οι του̃ θεου̃

²⁰ἐποικοδομηθέντες ἐπὶ τω̨̃ θεμελίω̨ τω̃ν ἀποστόλων καὶ προφητω̃ν ὄντος ἀκρογωνιαίου αὐτου̃ Χριστου̃ ’Ιησου̃

²¹ἐν ὡ̨̃ πα̃σα οἰκοδομὴ συναρμολογουμένη αὔξει εἰς ναòν ἅγιον ἐν κυρίω̨

²²ἐν ὡ̨̃ καὶ ὑμει̃ς συνοικοδομει̃σθε εἰς κατοικητήριον του̃ θεου̃ ἐν πνεύματι

Κεφάλαιον Γ' (3)

¹τούτου χάριν ἐγὼ Παυ̃λος ὁ δέσμιος του̃ Χριστου̃ ’Ιησου̃ ὑπὲρ ὑμω̃ν τω̃ν ἐθνω̃ν

²εἴ γε ἠκούσατε τὴν οἰκονομίαν τη̃ς χάριτος του̃ θεου̃ τη̃ς δοθείσης μοι εἰς ὑμα̃ς

³ὅτι κατὰ ἀποκάλυψιν ἐγνωρίσθη μοι τò μυστήριον καθὼς προέγραψα ἐν ὀλίγω̨

⁴πρòς ὃ δύνασθε ἀναγινώσκοντες νοη̃σαι τὴν σύνεσίν μου ἐν τω̨̃ μυστηρίω̨ του̃ Χριστου̃

⁵ὃ ἑτέραις γενεαι̃ς οὐκ ἐγνωρίσθη τοι̃ς υἱοι̃ς τω̃ν ἀνθρώπων ὡς νυ̃ν ἀπεκαλύφθη τοι̃ς ἁγίοις ἀποστόλοις αὐτου̃ καὶ προφήταις ἐν πνεύματι

⁶εἰ̃ναι τὰ ἔθνη συγκληρονόμα καὶ σύσσωμα καὶ συμμέτοχα τη̃ς ἐπαγγελίας ἐν Χριστω̨̃ ’Ιησου̃ διὰ του̃ εὐαγγελίου

⁷οὑ̃ ἐγενήθην διάκονος κατὰ τὴν δωρεὰν τη̃ς χάριτος του̃ θεου̃ τη̃ς δοθείσης μοι κατὰ τὴν ἐνέργειαν τη̃ς δυνάμεως αὐτου̃

⁸ἐμοὶ τω̨̃ ἐλαχιστοτέρω̨ πάντων ἁγίων ἐδόθη ἡ χάρις αὕτη τοι̃ς ἔθνεσιν εὐαγγελίσασθαι τò ἀνεξιχνίαστον πλου̃τος του̃ Χριστου̃

⁹καὶ φωτίσαι πάντας τίς ἡ οἰκονομία του̃ μυστηρίου του̃ ἀποκεκρυμμένου ἀπò τω̃ν αἰώνων ἐν τω̨̃ θεω̨̃ τω̨̃ τὰ πάντα κτίσαντι

¹⁰ἵνα γνωρισθη̨̃ νυ̃ν ται̃ς ἀρχαι̃ς καὶ ται̃ς ἐξουσίαις ἐν τοι̃ς ἐπουρανίοις διὰ τη̃ς ἐκκλησίας ἡ πολυποίκιλος σοφία του̃ θεου̃

¹¹κατὰ πρόθεσιν τω̃ν αἰώνων ἣν ἐποίησεν ἐν τω̨̃ Χριστω̨̃ ’Ιησου̃ τω̨̃ κυρίω̨ ἡμω̃ν

¹²ἐν ὡ̨̃ ἔχομεν τὴν παρρησίαν καὶ προσαγωγὴν ἐν πεποιθήσει διὰ τη̃ς πίστεως αὐτου̃

¹³διò αἰτου̃μαι μὴ ἐγκακει̃ν ἐν ται̃ς θλίψεσίν μου ὑπὲρ ὑμω̃ν ἥτις ἐστὶν δόξα ὑμω̃ν

¹⁴τούτου χάριν κάμπτω τὰ γόνατά μου πρòς τòν πατέρα

¹⁵ἐξ οὑ̃ πα̃σα πατριὰ ἐν οὐρανοι̃ς καὶ ἐπὶ γη̃ς ὀνομάζεται

¹⁶ἵνα δω̨̃ ὑμι̃ν κατὰ τò πλου̃τος τη̃ς δόξης αὐτου̃ δυνάμει κραταιωθη̃ναι διὰ του̃ πνεύματος αὐτου̃ εἰς τòν ἔσω ἄνθρωπον

¹⁷κατοικη̃σαι τòν Χριστòν διὰ τη̃ς πίστεως ἐν ται̃ς καρδίαις ὑμω̃ν ἐν ἀγάπη̨ ἐρριζωμένοι καὶ τεθεμελιωμένοι

¹⁸ἵνα ἐξισχύσητε καταλαβέσθαι σὺν πα̃σιν τοι̃ς ἁγίοις τί τò πλάτος καὶ μη̃κος καὶ ὕψος καὶ βάθος

¹⁹γνω̃ναί τε τὴν ὑπερβάλλουσαν τη̃ς γνώσεως ἀγάπην του̃ Χριστου̃ ἵνα πληρωθη̃τε εἰς πα̃ν τò πλήρωμα του̃ θεου̃

²⁰τω̨̃ δὲ δυναμένω̨ ὑπὲρ πάντα ποιη̃σαι ὑπερεκπερισσου̃ ὡ̃ν αἰτούμεθα ἢ νοου̃μεν κατὰ τὴν δύναμιν τὴν ἐνεργουμένην ἐν ἡμι̃ν

²¹αὐτω̨̃ ἡ δόξα ἐν τη̨̃ ἐκκλησία̨ καὶ ἐν Χριστω̨̃ ’Ιησου̃ εἰς πάσας τὰς γενεὰς του̃ αἰω̃νος τω̃ν αἰώνων ἀμήν

Κεφάλαιον Δ' (4)

¹παρακαλω̃ οὐ̃ν ὑμα̃ς ἐγὼ ὁ δέσμιος ἐν κυρίω̨ ἀξίως περιπατη̃σαι τη̃ς κλήσεως ἡ̃ς ἐκλήθητε

²μετὰ πάσης ταπεινοφροσύνης καὶ πραΰτητος μετὰ μακροθυμίας ἀνεχόμενοι ἀλλήλων ἐν ἀγάπη̨

³σπουδάζοντες τηρει̃ν τὴν ἑνότητα του̃ πνεύματος ἐν τω̨̃ συνδέσμω̨ τη̃ς εἰρήνης

⁴ἓν σω̃μα καὶ ἓν πνευ̃μα καθὼς καὶ ἐκλήθητε ἐν μια̨̃ ἐλπίδι τη̃ς κλήσεως ὑμω̃ν

⁵εἱ̃ς κύριος μία πίστις ἓν βάπτισμα

⁶εἱ̃ς θεòς καὶ πατὴρ πάντων ὁ ἐπὶ πάντων καὶ διὰ πάντων καὶ ἐν πα̃σιν

⁷ἑνὶ δὲ ἑκάστω̨ ἡμω̃ν ἐδόθη ἡ χάρις κατὰ τò μέτρον τη̃ς δωρεα̃ς του̃ Χριστου̃

⁸διò λέγει ἀναβὰς εἰς ὕψος ἠ̨χμαλώτευσεν αἰχμαλωσίαν ἔδωκεν δόματα τοι̃ς ἀνθρώποις

⁹τò δὲ ἀνέβη τί ἐστιν εἰ μὴ ὅτι καὶ κατέβη εἰς τὰ κατώτερα μέρη τη̃ς γη̃ς

¹⁰ὁ καταβὰς αὐτός ἐστιν καὶ ὁ ἀναβὰς ὑπεράνω πάντων τω̃ν οὐρανω̃ν ἵνα πληρώση̨ τὰ πάντα

¹¹καὶ αὐτòς ἔδωκεν τοὺς μὲν ἀποστόλους τοὺς δὲ προφήτας τοὺς δὲ εὐαγγελιστάς τοὺς δὲ ποιμένας καὶ διδασκάλους

¹²πρòς τòν καταρτισμòν τω̃ν ἁγίων εἰς ἔργον διακονίας εἰς οἰκοδομὴν του̃ σώματος του̃ Χριστου̃

¹³μέχρι καταντήσωμεν οἱ πάντες εἰς τὴν ἑνότητα τη̃ς πίστεως καὶ τη̃ς ἐπιγνώσεως του̃ υἱου̃ του̃ θεου̃ εἰς ἄνδρα τέλειον εἰς μέτρον ἡλικίας του̃ πληρώματος του̃ Χριστου̃

¹⁴ἵνα μηκέτι ὠ̃μεν νήπιοι κλυδωνιζόμενοι καὶ περιφερόμενοι παντὶ ἀνέμω̨ τη̃ς διδασκαλίας ἐν τη̨̃ κυβεία̨ τω̃ν ἀνθρώπων ἐν πανουργία̨ πρòς τὴν μεθοδείαν τη̃ς πλάνης

¹⁵ἀληθεύοντες δὲ ἐν ἀγάπη̨ αὐξήσωμεν εἰς αὐτòν τὰ πάντα ὅς ἐστιν ἡ κεφαλή Χριστός

¹⁶ἐξ οὑ̃ πα̃ν τò σω̃μα συναρμολογούμενον καὶ συμβιβαζόμενον διὰ πάσης ἁφη̃ς τη̃ς ἐπιχορηγίας κατ' ἐνέργειαν ἐν μέτρω̨ ἑνòς ἑκάστου μέρους τὴν αὔξησιν του̃ σώματος ποιει̃ται εἰς οἰκοδομὴν ἑαυτου̃ ἐν ἀγάπη̨

¹⁷του̃το οὐ̃ν λέγω καὶ μαρτύρομαι ἐν κυρίω̨ μηκέτι ὑμα̃ς περιπατει̃ν καθὼς καὶ τὰ ἔθνη περιπατει̃ ἐν ματαιότητι του̃ νοòς αὐτω̃ν

¹⁸ἐσκοτωμένοι τη̨̃ διανοία̨ ὄντες ἀπηλλοτριωμένοι τη̃ς ζωη̃ς του̃ θεου̃ διὰ τὴν ἄγνοιαν τὴν οὐ̃σαν ἐν αὐτοι̃ς διὰ τὴν πώρωσιν τη̃ς καρδίας αὐτω̃ν

¹⁹οἵτινες ἀπηλγηκότες ἑαυτοὺς παρέδωκαν τη̨̃ ἀσελγεία̨ εἰς ἐργασίαν ἀκαθαρσίας πάσης ἐν πλεονεξία̨

²⁰ὑμει̃ς δὲ οὐχ οὕτως ἐμάθετε τòν Χριστόν

²¹εἴ γε αὐτòν ἠκούσατε καὶ ἐν αὐτω̨̃ ἐδιδάχθητε καθώς ἐστιν ἀλήθεια ἐν τω̨̃ ’Ιησου̃

²²ἀποθέσθαι ὑμα̃ς κατὰ τὴν προτέραν ἀναστροφὴν τòν παλαιòν ἄνθρωπον τòν φθειρόμενον κατὰ τὰς ἐπιθυμίας τη̃ς ἀπάτης

²³ἀνανεου̃σθαι δὲ τω̨̃ πνεύματι του̃ νοòς ὑμω̃ν

²⁴καὶ ἐνδύσασθαι τòν καινòν ἄνθρωπον τòν κατὰ θεòν κτισθέντα ἐν δικαιοσύνη̨ καὶ ὁσιότητι τη̃ς ἀληθείας

²⁵διò ἀποθέμενοι τò ψευ̃δος λαλει̃τε ἀλήθειαν ἕκαστος μετὰ του̃ πλησίον αὐτου̃ ὅτι ἐσμὲν ἀλλήλων μέλη

²⁶ὀργίζεσθε καὶ μὴ ἁμαρτάνετε ὁ ἥλιος μὴ ἐπιδυέτω ἐπὶ τω̨̃ παροργισμω̨̃ ὑμω̃ν

²⁷μηδὲ δίδοτε τόπον τω̨̃ διαβόλω̨

²⁸ὁ κλέπτων μηκέτι κλεπτέτω μα̃λλον δὲ κοπιάτω ἐργαζόμενος ται̃ς ἰδίαις χερσὶν τò ἀγαθόν ἵνα ἔχη̨ μεταδιδόναι τω̨̃ χρείαν ἔχοντι

²⁹πα̃ς λόγος σαπρòς ἐκ του̃ στόματος ὑμω̃ν μὴ ἐκπορευέσθω ἀλλὰ εἴ τις ἀγαθòς πρòς οἰκοδομὴν τη̃ς χρείας ἵνα δω̨̃ χάριν τοι̃ς ἀκούουσιν

³⁰καὶ μὴ λυπει̃τε τò πνευ̃μα τò ἅγιον του̃ θεου̃ ἐν ὡ̨̃ ἐσφραγίσθητε εἰς ἡμέραν ἀπολυτρώσεως

³¹πα̃σα πικρία καὶ θυμòς καὶ ὀργὴ καὶ κραυγὴ καὶ βλασφημία ἀρθήτω ἀφ' ὑμω̃ν σὺν πάση̨ κακία̨

³²γίνεσθε δὲ εἰς ἀλλήλους χρηστοί εὔσπλαγχνοι χαριζόμενοι ἑαυτοι̃ς καθὼς καὶ ὁ θεòς ἐν Χριστω̨̃ ἐχαρίσατο ὑμι̃ν

Κεφάλαιον Ε' (5)

¹γίνεσθε οὐ̃ν μιμηταὶ του̃ θεου̃ ὡς τέκνα ἀγαπητά

²καὶ περιπατει̃τε ἐν ἀγάπη̨ καθὼς καὶ ὁ Χριστòς ἠγάπησεν ἡμα̃ς καὶ παρέδωκεν ἑαυτòν ὑπὲρ ἡμω̃ν προσφορὰν καὶ θυσίαν τω̨̃ θεω̨̃ εἰς ὀσμὴν εὐωδίας

³πορνεία δὲ καὶ ἀκαθαρσία πα̃σα ἢ πλεονεξία μηδὲ ὀνομαζέσθω ἐν ὑμι̃ν καθὼς πρέπει ἁγίοις

⁴καὶ αἰσχρότης καὶ μωρολογία ἢ εὐτραπελία ἃ οὐκ ἀνη̃κεν ἀλλὰ μα̃λλον εὐχαριστία

⁵του̃το γὰρ ἴστε γινώσκοντες ὅτι πα̃ς πόρνος ἢ ἀκάθαρτος ἢ πλεονέκτης ὅ ἐστιν εἰδωλολάτρης οὐκ ἔχει κληρονομίαν ἐν τη̨̃ βασιλεία̨ του̃ Χριστου̃ καὶ θεου̃

⁶μηδεὶς ὑμα̃ς ἀπατάτω κενοι̃ς λόγοις διὰ ταυ̃τα γὰρ ἔρχεται ἡ ὀργὴ του̃ θεου̃ ἐπὶ τοὺς υἱοὺς τη̃ς ἀπειθείας

⁷μὴ οὐ̃ν γίνεσθε συμμέτοχοι αὐτω̃ν

⁸ἠ̃τε γάρ ποτε σκότος νυ̃ν δὲ φω̃ς ἐν κυρίω̨ ὡς τέκνα φωτòς περιπατει̃τε

⁹ὁ γὰρ καρπòς του̃ φωτòς ἐν πάση̨ ἀγαθωσύνη̨ καὶ δικαιοσύνη̨ καὶ ἀληθεία̨

¹⁰δοκιμάζοντες τί ἐστιν εὐάρεστον τω̨̃ κυρίω̨

¹¹καὶ μὴ συγκοινωνει̃τε τοι̃ς ἔργοις τοι̃ς ἀκάρποις του̃ σκότους μα̃λλον δὲ καὶ ἐλέγχετε

¹²τὰ γὰρ κρυφη̨̃ γινόμενα ὑπ' αὐτω̃ν αἰσχρόν ἐστιν καὶ λέγειν

¹³τὰ δὲ πάντα ἐλεγχόμενα ὑπò του̃ φωτòς φανερου̃ται

¹⁴πα̃ν γὰρ τò φανερούμενον φω̃ς ἐστιν διò λέγει ἔγειρε ὁ καθεύδων καὶ ἀνάστα ἐκ τω̃ν νεκρω̃ν καὶ ἐπιφαύσει σοι ὁ Χριστός

¹⁵βλέπετε οὐ̃ν ἀκριβω̃ς πω̃ς περιπατει̃τε μὴ ὡς ἄσοφοι ἀλλ' ὡς σοφοί

¹⁶ἐξαγοραζόμενοι τòν καιρόν ὅτι αἱ ἡμέραι πονηραί εἰσιν

¹⁷διὰ του̃το μὴ γίνεσθε ἄφρονες ἀλλὰ συνίετε τί τò θέλημα του̃ κυρίου

¹⁸καὶ μὴ μεθύσκεσθε οἴνω̨ ἐν ὡ̨̃ ἐστιν ἀσωτία ἀλλὰ πληρου̃σθε ἐν πνεύματι

¹⁹λαλου̃ντες ἑαυτοι̃ς ἐν ψαλμοι̃ς καὶ ὕμνοις καὶ ὠ̨δαι̃ς πνευματικαι̃ς ἄ̨δοντες καὶ ψάλλοντες τη̨̃ καρδία̨ ὑμω̃ν τω̨̃ κυρίω̨

²⁰εὐχαριστου̃ντες πάντοτε ὑπὲρ πάντων ἐν ὀνόματι του̃ κυρίου ἡμω̃ν ’Ιησου̃ Χριστου̃ τω̨̃ θεω̨̃ καὶ πατρί

²¹ὑποτασσόμενοι ἀλλήλοις ἐν φόβω̨ Χριστου̃

²²αἱ γυναι̃κες τοι̃ς ἰδίοις ἀνδράσιν ὡς τω̨̃ κυρίω̨

²³ὅτι ἀνήρ ἐστιν κεφαλὴ τη̃ς γυναικòς ὡς καὶ ὁ Χριστòς κεφαλὴ τη̃ς ἐκκλησίας αὐτòς σωτὴρ του̃ σώματος

²⁴ἀλλὰ ὡς ἡ ἐκκλησία ὑποτάσσεται τω̨̃ Χριστω̨̃ οὕτως καὶ αἱ γυναι̃κες τοι̃ς ἀνδράσιν ἐν παντί

²⁵οἱ ἄνδρες ἀγαπα̃τε τὰς γυναι̃κας καθὼς καὶ ὁ Χριστòς ἠγάπησεν τὴν ἐκκλησίαν καὶ ἑαυτòν παρέδωκεν ὑπὲρ αὐτη̃ς

²⁶ἵνα αὐτὴν ἁγιάση̨ καθαρίσας τω̨̃ λουτρω̨̃ του̃ ὕδατος ἐν ῥήματι

²⁷ἵνα παραστήση̨ αὐτòς ἑαυτω̨̃ ἔνδοξον τὴν ἐκκλησίαν μὴ ἔχουσαν σπίλον ἢ ῥυτίδα ἤ τι τω̃ν τοιούτων ἀλλ' ἵνα ἠ̨̃ ἁγία καὶ ἄμωμος

²⁸οὕτως ὀφείλουσιν καὶ οἱ ἄνδρες ἀγαπα̃ν τὰς ἑαυτω̃ν γυναι̃κας ὡς τὰ ἑαυτω̃ν σώματα ὁ ἀγαπω̃ν τὴν ἑαυτου̃ γυναι̃κα ἑαυτòν ἀγαπα̨̃

²⁹οὐδεὶς γάρ ποτε τὴν ἑαυτου̃ σάρκα ἐμίσησεν ἀλλὰ ἐκτρέφει καὶ θάλπει αὐτήν καθὼς καὶ ὁ Χριστòς τὴν ἐκκλησίαν

³⁰ὅτι μέλη ἐσμὲν του̃ σώματος αὐτου̃

³¹ἀντὶ τούτου καταλείψει ἄνθρωπος τòν πατέρα καὶ τὴν μητέρα καὶ προσκολληθήσεται πρòς τὴν γυναι̃κα αὐτου̃ καὶ ἔσονται οἱ δύο εἰς σάρκα μίαν

³²τò μυστήριον του̃το μέγα ἐστίν ἐγὼ δὲ λέγω εἰς Χριστòν καὶ εἰς τὴν ἐκκλησίαν

³³πλὴν καὶ ὑμει̃ς οἱ καθ' ἕνα ἕκαστος τὴν ἑαυτου̃ γυναι̃κα οὕτως ἀγαπάτω ὡς ἑαυτόν ἡ δὲ γυνὴ ἵνα φοβη̃ται τòν ἄνδρα

Κεφάλαιον ΣΤ' (6)

¹τὰ τέκνα ὑπακούετε τοι̃ς γονευ̃σιν ὑμω̃ν ἐν κυρίω̨ του̃το γάρ ἐστιν δίκαιον

²τίμα τòν πατέρα σου καὶ τὴν μητέρα ἥτις ἐστὶν ἐντολὴ πρώτη ἐν ἐπαγγελία̨

³ἵνα εὐ̃ σοι γένηται καὶ ἔση̨ μακροχρόνιος ἐπὶ τη̃ς γη̃ς

⁴καὶ οἱ πατέρες μὴ παροργίζετε τὰ τέκνα ὑμω̃ν ἀλλὰ ἐκτρέφετε αὐτὰ ἐν παιδεία̨ καὶ νουθεσία̨ κυρίου

⁵οἱ δου̃λοι ὑπακούετε τοι̃ς κατὰ σάρκα κυρίοις μετὰ φόβου καὶ τρόμου ἐν ἁπλότητι τη̃ς καρδίας ὑμω̃ν ὡς τω̨̃ Χριστω̨̃

⁶μὴ κατ' ὀφθαλμοδουλίαν ὡς ἀνθρωπάρεσκοι ἀλλ' ὡς δου̃λοι Χριστου̃ ποιου̃ντες τò θέλημα του̃ θεου̃ ἐκ ψυχη̃ς

⁷μετ' εὐνοίας δουλεύοντες ὡς τω̨̃ κυρίω̨ καὶ οὐκ ἀνθρώποις

⁸εἰδότες ὅτι ἕκαστος ἐάν τι ποιήση̨ ἀγαθόν του̃το κομίσεται παρὰ κυρίου εἴτε δου̃λος εἴτε ἐλεύθερος

⁹καὶ οἱ κύριοι τὰ αὐτὰ ποιει̃τε πρòς αὐτούς ἀνιέντες τὴν ἀπειλήν εἰδότες ὅτι καὶ αὐτω̃ν καὶ ὑμω̃ν ὁ κύριός ἐστιν ἐν οὐρανοι̃ς καὶ προσωπολημψία οὐκ ἔστιν παρ' αὐτω̨̃

¹⁰του̃ λοιπου̃ ἐνδυναμου̃σθε ἐν κυρίω̨ καὶ ἐν τω̨̃ κράτει τη̃ς ἰσχύος αὐτου̃

¹¹ἐνδύσασθε τὴν πανοπλίαν του̃ θεου̃ πρòς τò δύνασθαι ὑμα̃ς στη̃ναι πρòς τὰς μεθοδείας του̃ διαβόλου

¹²ὅτι οὐκ ἔστιν ἡμι̃ν ἡ πάλη πρòς αἱ̃μα καὶ σάρκα ἀλλὰ πρòς τὰς ἀρχάς πρòς τὰς ἐξουσίας πρòς τοὺς κοσμοκράτορας του̃ σκότους τούτου πρòς τὰ πνευματικὰ τη̃ς πονηρίας ἐν τοι̃ς ἐπουρανίοις

¹³διὰ του̃το ἀναλάβετε τὴν πανοπλίαν του̃ θεου̃ ἵνα δυνηθη̃τε ἀντιστη̃ναι ἐν τη̨̃ ἡμέρα̨ τη̨̃ πονηρα̨̃ καὶ ἅπαντα κατεργασάμενοι στη̃ναι

¹⁴στη̃τε οὐ̃ν περιζωσάμενοι τὴν ὀσφὺν ὑμω̃ν ἐν ἀληθεία̨ καὶ ἐνδυσάμενοι τòν θώρακα τη̃ς δικαιοσύνης

¹⁵καὶ ὑποδησάμενοι τοὺς πόδας ἐν ἑτοιμασία̨ του̃ εὐαγγελίου τη̃ς εἰρήνης

¹⁶ἐν πα̃σιν ἀναλαβόντες τòν θυρεòν τη̃ς πίστεως ἐν ὡ̨̃ δυνήσεσθε πάντα τὰ βέλη του̃ πονηρου̃ τὰ πεπυρωμένα σβέσαι

¹⁷καὶ τὴν περικεφαλαίαν του̃ σωτηρίου δέξασθε καὶ τὴν μάχαιραν του̃ πνεύματος ὅ ἐστιν ῥη̃μα θεου̃

¹⁸διὰ πάσης προσευχη̃ς καὶ δεήσεως προσευχόμενοι ἐν παντὶ καιρω̨̃ ἐν πνεύματι καὶ εἰς αὐτò ἀγρυπνου̃ντες ἐν πάση̨ προσκαρτερήσει καὶ δεήσει περὶ πάντων τω̃ν ἁγίων

¹⁹καὶ ὑπὲρ ἐμου̃ ἵνα μοι δοθη̨̃ λόγος ἐν ἀνοίξει του̃ στόματός μου ἐν παρρησία̨ γνωρίσαι τò μυστήριον του̃ εὐαγγελίου

²⁰ὑπὲρ οὑ̃ πρεσβεύω ἐν ἁλύσει ἵνα ἐν αὐτω̨̃ παρρησιάσωμαι ὡς δει̃ με λαλη̃σαι

²¹ἵνα δὲ εἰδη̃τε καὶ ὑμει̃ς τὰ κατ' ἐμέ τί πράσσω πάντα γνωρίσει ὑμι̃ν τυχικòς ὁ ἀγαπητòς ἀδελφòς καὶ πιστòς διάκονος ἐν κυρίω̨

²²ὃν ἔπεμψα πρòς ὑμα̃ς εἰς αὐτò του̃το ἵνα γνω̃τε τὰ περὶ ἡμω̃ν καὶ παρακαλέση̨ τὰς καρδίας ὑμω̃ν

²³εἰρήνη τοι̃ς ἀδελφοι̃ς καὶ ἀγάπη μετὰ πίστεως ἀπò θεου̃ πατρòς καὶ κυρίου ’Ιησου̃ Χριστου̃

²⁴ἡ χάρις μετὰ πάντων τω̃ν ἀγαπώντων τòν κύριον ἡμω̃ν ’Ιησου̃ν Χριστòν ἐν ἀφθαρσία̨

Книго

[X]